Ermənistan prezidenti Vaaqn Xaçaturyan istefa verməyə və məsuliyyətlə üzləşməyə məcburdur.
"Unikal" xəbər verir ki, bu barədə Ermənistanın Polşadakı keçmiş səfiri Edqar Qazaryan öz "Facebook" səhifəsində yazıb.
Onun sözlərinə görə, Ermənistan Respublikası Konstitusiyasının 124-cü maddəsinin 4-cü hissəsinə əsasən, Respublika Prezidenti başqa vəzifə tuta, sahibkarlıq fəaliyyəti ilə məşğul ola və ya başqa haqqı ödənilən işlə məşğul ola bilməz: Mən 2024-cü il sentyabrın 6-da Ermənistan Dövlət İqtisad Universitetinin rektoru seçkiləri ərəfəsində respublika prezidenti Vaaqn Xaçaturyana onun istənilən vəzifəsindən istefa verməsi xahişi ilə yazılı ərizə verdim. O, Respublika və ya Dövlət İqtisad Universitetinin İdarə Heyətinin sədri vəzifələrini tutmaqla Ermənistan Respublikasının Konstitusiyasını pozurdu".
Qeyd edək ki, Konstitusiya ödənişli və ya ictimai əsasdan asılı olmayaraq hər hansı digər vəzifə tutma halını istisna edir.
"Ermənistan Respublikası Konstitusiyasının 123-cü maddəsinin 3-cü hissəsinə əsasən, Respublika Prezidenti öz səlahiyyətlərini həyata keçirərkən qərəzsizdir və müstəsna olaraq milli və mənəvi mənafeləri rəhbər tuta bilər. O, konkret təşkilatın rəhbər orqanına daxil olmaqla Respublika Prezidentinin qərəzsizlik prinsipini pozur. Çünki o, həm də idarə heyətinin sədri kimi Ermənistan Dövlət İqtisadiyyat Universiteti dövlət qeyri-kommersiya təşkilatının maraqlarına hörmət etməyə və onları rəhbər tutmağa borcludur.
Gülməli odur ki, Ermənistan Respublikası Konstitusiyasının 123-cü maddəsinin 2-ci hissəsinə əsasən, Respublika Prezidentinin Konstitusiyaya əməl olunmasına riayət etmək üçün konstitusiya öhdəliyi var, lakin məlum olur ki, o, Konstitusiyanı pozur", - deyə diplomat qeyd edib.
Ağarza Elçinoğlu
