Paşinyanın KTMT-dən təhdidlərlə bağlı dediyi sözlər təşviş doğurur - Ekspert

Ermənistanın baş naziri Nikol Paşinyanın Kollektiv Təhlükəsizlik Müqaviləsi Təşkilatından (KTMT) ölkəsinə qarşı təhdidlərlə bağlı bəyanatları son dərəcə həyəcanvericidir və onun tələsik, ehtiyatsız siyasətinə uyğundur.Bizimyol.info xəbər verir ki, bu fikri Rusiya mətbuatına şərhində ABŞ yaşayan professor Arman Qriqoryan bildirib.“Mən Paşinyanın 2018-ci ildə hakimiyyətə gəlişindən, xüsusən də 2020-ci il müharibəsindən sonra onun xarici və milli təhlükəsizlik siyasətinin davamlı tənqidçisi olmuşam”, - deyə beynəlxalq münasibətlər araşdırmaları ilə məşğul olan ekspert qeyd edib.“Onun Ermənistanı strateji cəhətdən Rusiyadan uzaqlaşdıraraq Qərbə yönəltmək kimi düşünülmüş və ehtiyatsız siyasəti mənim diqqətimi və tənqidimi yönəltdiyim məsələlərdən biri idi. Ona görə də, yəqin ki, mənim mövqeyim və bu məsələ ilə bağlı keçmiş şərhlərimlə tanış olan heç kəsi təəccübləndirməyəcəyəm ki, onun açıqlamaları məni son dərəcə narahat edir”, - deyə politoloq vurğulayıb.Bundan əvvəl Paşinyan bildirib ki, İrəvan KTMT-nin işində iştirakını dondurub, çünki onun sözlərinə görə, bu struktur respublikanın suverenliyinə təhlükə yaradır. O, həmçinin hesab edir ki, KTMT Ermənistanın təhlükəsizliyinə və onun gələcək mövcudluğuna təhlükə yaradır.Rusiya prezidentinin mətbuat katibi Dmitri Peskov bildirib ki, Moskva KTMT-yə verdiyi qiymətdə Paşinyanla razı deyil. Peskov qeyd edib ki, KTMT Ermənistanın suverenliyinə heç bir təhdid, təhlükə yarada bilməz və etmir, əksinə, bu təşkilat üzv dövlətlərin suverenliyini qoruyur. Rusiya prezidentinin mətbuat katibi bildirib ki, bu mövqe “səbirlə Ermənistan rəhbərliyinin diqqətinə çatdırılacaq”. Eyni zamanda o qeyd edib ki, Moskva İrəvanla təmasları davam etdirir və davam etdirəcək.