Lavrov: “Dövlətlərin BRICS-ə tamhüquqlu üzvlük məsələsinə gələn il baxılacaq” - VİDEO

“Bir sıra dövlətlərin BRICS-ə tamhüquqlu üzvlük məsələsinə 2025-ci ildə baxılacaq”.

Bizim.Media xəbər verir ki, bunu Rusiyanın xarici işlər naziri Sergey Lavrov BRICS beynəlxalq televiziyasına müsahibəsində deyib.

“Bir sıra ölkələr BRICS-ə gələn il ərzində tam üzv olmaq istəyirlər. Onların sayı otuzdan çoxdur. Artıq dediyim kimi, “tərəfdaş ölkələr” kateqoriyasının formalaşdırılması meyarları razılaşdırılacaq. Rusiya sədrliyi Kazan sammitindən sonra bizim işimizə qoşulmaq üçün müraciət edən bəzi dövlətlərə dəvət göndərib. BRICS-in hazırkı üzvləri arasında konsensusdan istifadə edən ondan çox belə ölkə var”, - Lavrov bildirib.

“Şübhəsiz ki, yalnız tamhüquqlu üzvlərin iştirak edəcəyi ayrıca görüş formatı qalacaq, lakin hər şey, o cümlədən, sammitlər, xarici işlər nazirlərinin və sektor strukturlarının (energetika, iqtisadiyyat, ticarət, səhiyyə, mədəniyyət) görüşləri onlar üçün əlçatan olacaq”, - deyə o əlavə edib.

Rusiya XİN rəhbəri qeyd edib ki, BRICS-in Kazanda keçirilən sammiti assosiasiyanın sürətlə artan nüfuzunu və getdikcə artan ölkələrin onun işinə qoşulmaq istəyini nümayiş etdirib: “Biz birləşməyə marağın kəskin artmasını müşahidə edirik ki, bu, daha ədalətli dünyaya doğru hərəkatın avanqardı, “kollektiv Qərb” tərəfindən hələ də beynəlxalq münasibətlərdə geniş istifadə olunan özbaşınalığın müdafiəsi kimi qəbul edilir”.


Bizim.Media