Çin alimləri nəfəs yolu ilə ağciyər xərçəngini aşkar edə bilən sensor (fiziki kəmiyyəti ölçən və onu hər hansı bir müşahidəçi və ya alət tərəfindən oxuna bilən siqnallara çevirən cihaz) hazırlayıblar.
Sensor tənəffüsdəki izoprenin aşağı olduğunu müəyyənləşdirərərk bunu təyin edir.
"Cebheinfo.az" xəbər verir ki, ağciyər xərçəngini tənəffüs yolu ilə müəyyən edə bilən sensorun hazırlandığı açıqlanıb.
Alimlər ümid edirlər ki, təməlqoyma texnologiyası bir çox insanın həyatını xilas edəcək.
İnsanların nəfəs alarkən buraxdıqları müxtəlif qazlar bədən daxilindəki vəziyyət haqqında fikir verə bilər.
Bədəndəki mənşəyi dəqiq bilinməyən izopren adlı birləşmə bəzi insanların nəfəsində yoxdur.
Çinin Zhejiang Universitetinin tədqiqatçıları tərəfindən aparılan yeni bir araşdırma, tənəffüsdə izoprenin səviyyəsinin ağciyər xərçənginin göstəricisi ola biləcəyini göstərir.
Alimlər nəfəsdə izopren nisbətinin aşağı olmasının ağciyər xərçənginə dəlalət etdiyini və bunu müəyyən etmək üçün bir üsul hazırladıqlarını söyləyirlər.
"ACS Sensors" jurnalında dərc edilən araşdırmanı aparan komanda saç telindən min dəfə incə olan sensor hazırlayıb.
Tədqiqatçılar qeyd ediblər ki, tərkibində platin, indium və nikel olan nanoflake sensoru nəfəsdə izopren səviyyələrini hətta milyardda iki hissədə (2 ppb) ölçə bilir.
Sensor həmçinin izoprenə insan nəfəsindəki digər birləşmələrə nisbətən daha yaxşı cavab verib. Komanda daha sonra bu sensoru 5-i ağciyər xərçəngi olan 13 nəfərlə sınaqdan keçirib.
İzopren səviyyələrinin xəstələrdə 40 ppb-dən aşağı, sağlam insanlarda isə 60 ppb-dən yüksək olduğu aşkar edilib.
Elm adamları yeni texnologiyanın ağciyər xərçənginin erkən diaqnozunu təmin etməklə bir çox insanın həyatını xilas edə biləcəyini düşünürlər. Bununla belə, sensorun uğuru haqqında dəqiq bir şey söyləmək hələ tezdir.
Az sayda iştirakçı ilə yanaşı, izopren və ağciyər xərçəngi arasındakı əlaqə də təsdiqlənməlidir.
