- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
Valensiyada seldə evlərini itirən 500-dən çox ailə yaşayış yeri axtarır
Demokrat.az xəbər verir ki, Valensiya muxtar hökuməti 500-dən çox ailənin seldə evlərini itirdiyini və evsiz qalan minlərlə insanın qorunması və rifahını təmin etmək üçün müxtəlif təcili yardım variantlarını qiymətləndirdiyini açıqladı. Bildirilib ki, daşqından ən çox zərər çəkən Paiporta, Çiva və Torrent kimi rayonlarda texniki işçilər tərəfindən aparılan yoxlamalarda böyük dağıntı və uçma təhlükəsi olan onlarla ev üçün söküntü qərarları verilib, 500-ə yaxın evin isə söküntüsü ləğv edilib. Evsiz ailələrin əksəriyyətinin hazırda yaxınlıqda və ya idman zallarında qaldığı bildirilsə də, muxtar hökumət hər şeyini itirmiş insanların köçürülməsinə imkan verəcək mənzil tapmaq üçün zamanla yarışır. Valensiya muxtar hökumətinin vitse-prezidenti və mənzil naziri Susana Camarero mətbuata açıqlamasında təxminən iki həftə ərzində istifadəyə hazır olacaq 150 evin təhvil veriləcəyini, lakin bunun həlli üçün kifayət etmədiyini söylədi.
Kirayəlik evlərin şərtlərinin və yaşayış yerlərinin müəyyən edilməsinin ən az 6 ay çəkə biləcəyini qeyd edən Camarero, Koordinasiya Masası yaradıldığını açıqladı. İspaniya mətbuatı fəlakət bölgəsindəki bütün evlərə nəzarətin hələ tamamlanmadığını, hazırda 500 ailə kimi görünən sayın daha çox ola biləcəyini, yaşayış üçün yararsız vəziyyətdə olan 1233 evin olduğunu göstərən sənədlərin olduğunu iddia edib.
Əfsanə Kamal
Demokrat.az
