"Qlobal miqyasda biz ölkələrə iqlim dəyişikliyi problemini həll etməyə kömək etməsək, bu onilliyin sonuna qədər ifrat yoxsulluq içində yaşayanların üçdə ikisi də həssas və münaqişələrdən təsirlənmiş dövlətlərdə yaşayacaqlar”.
APA xəbər verir ki, bunu Britaniyanın inkişaf məsələləri üzrə naziri Anneliese Dods COP29 çərçivəsində keçirilən “İqlim və Sülh: Heç kim arxada qoymamaq naminə birgə fəaliyyət”adlı Yüksək səviyyəli Paneldə deyib.
Nazir bildirib ki, buna görə də bunu dəyişdirmək hamımızın ümumi prioriteti olmalıdır:
“Bakı çağırışı məhz bundan ibarətdir. Mən çox fəxr edirəm ki, Böyük Britaniya bu gün bunu dəstəkləyir. Biz yeni Bakı mərkəzini və dövlətlər şəbəkəsini səbirsizliklə gözləyirik. Ehtiyacı olanları daha çox iqlim maliyyəsinin onlara çatmasını təmin edə biləcək agentliklər və tərəfdaşlarla uyğunlaşdıra və ən çox təsirlənənlərin səslərinin eşidilməsini və onlara qulaq asılmasını təmin edək. Son 10 ildə dünyada iqlim problemlərindən təsirlənən 10 əyalətdən yalnız 2-si ümumi qlobal iqlim maliyyəsinin 1%-ini ala bilib. Bu gün mən həm də yardım, bərpa və sülh üçün Effektiv İqlim Maliyyəsi və Fəaliyyət üzrə Ümumi Prinsipləri elan etməkdən məmnunam. Bütün səylərimizin bir-birini gücləndirdiyinə əmin olmalıyıq. Təsirimizi necə maksimum dərəcədə artıra biləcəyimizə dair praktik baxış olmalıdır. Mən fəxr edirəm ki, Böyük Britaniya bu prinsiplərin işlənib hazırlanmasında iştirak edir".
