İspaniyanın “Bayer Leverkuzen” klubunun baş məşqçisi Xabi Alonso 2025-ci ilin yayında Karlo Ançelottinin klubdan ayrılmasından sonra “Real Madrid”ə rəhbərlik edəcək.
Yeniavaz.com xəbər verir ki, bu barədə jurnalist Florian Plettenberq məlumat verib.
Mənbə iddia edib ki, İngiltərənin “Mançester Siti”si də Alonso ilə maraqlanır, ancaq onun hazırkı klubu ispaniyalının “Real Madrid”i seçəcəyinə əmindir. Bu, həm də yarımmüdafiəçi Florian Virtsin “Los Blancos”a keçmək şansını artıracaq.
Qeyd edək ki, Almaniya çempionatının cari mövsümündə “Bayer Leverkuzen” 10 turdan sonra 17 xal toplayaraq, turnir cədvəlində dördüncü yeri tutur. Ötən il isə komanda tarixində ilk dəfə ölkə çempionu olub.
