Beynəlxalq "Nomad Stunts" peşəkar kaskadyorlar komandasının üzvü Sain Fərhad Azərbaycanı tərk edib. "Ölkə.az" xəbər verir ki, "Action" janrını Azərbaycanda inkişaf etdirən kaskadyor ölkəni tərk etməsi barədə paylaşım edib.
O paylaşımında yazıb: "Dəyər və qiymət verilən ölkələrə... Gənclərə də məsləhət görürəm! Özü də, birdəfəlik".
“Action Academy”nin təsisçisi və “Sain’s Team”in rəhbəri Sain Fərhad Fərmanlı komandası ilə birgə Tomris filminin döyüş səhnələrində aktiv rol alıb.
Xatırladaq ki, Sain Fərhad Fərmanlı daha əvvəl “Əli və Nino”, “Don Marleone”, “Qorxma, mən səninləyəm-2”, “Tomris” və digər filmlərdə çəkilib.
Sain döyüş səhnələri üzrə xoreoqraf Hollivudda və dünyanın bir çox ölkələrində peşəkar kursları fərqlənmə ilə bitirib.
Sain Jaydarbek Kunqujinovun yaratdığı beynəlxalq “Nomad Stunts” peşəkar kaskadyorlar qrupunun üzvüdür.
