San Dieqo Kaliforniya Universitetinin alimləri müəyyən ediblər ki, həftədə iki-dörd yumurta yemək qanda xolesterinin səviyyəsini aşağı salır.
Teleqraf.com xəbər verir ki, bu barədə araşdırmanın nəticələri "Nutrients" jurnalında dərc olunub.
Elmi qrup 890 kişi və qadının sağlamlığı və qidalanma vəziyyəti ilə bağlı məlumatları təhlil etdikdən sonra bu qənaətə gəlib. Məlumatlar 1988-ci ildə başlayan uzunmüddətli sağlamlıq araşdırmasının bir hissəsi kimi əldə edilib.
Alimlər qeyd ediblər ki, yumurta zülallar, amin turşuları və xolesterol ilə zəngindir və bu, sağlam neyronların saxlanmasına kömək edə bilər. Bundan əlavə, yumurtanın tərkibində koqnitiv funksiyanı yaxşılaşdıran karotenoidlər və B4 vitamini (kolin) var. O, toxumaların qurulmasında və bir sıra zəruri maddələrin, o cümlədən beyin və sinir liflərinin sintezində mühüm rol oynayır.
