Serbiyanın Novı Sad şəhərində noyabrın 1-də dəmiryolu vağzalında stansiya binasının tavanının bir hissəsinin çökməsi nəticəsində həlak olanların sayı 15 nəfərə yüksəlib. SİA xəbər verir ki, qəzada ağır yaralananlardan biri həkimlərin səylərinə baxmayaraq, xəstəxanada dünyasını dəyişib.
Qeyd edək ki, hadisə zamanı 14 nəfər həlak olmuş, üç nəfər ağır yaralanmışdı. Noyabrın 2-si Serbiyada milli matəm elan olunmuşdu.
Qəzadan sonra Serbiyanın tikinti, nəqliyyat və infrastruktur naziri Qoran Vesiç istefa verib.
