Futbol üzrə UEFA Millətlər Liqasında 2024/2025 mövsümünün 1/4 final mərhələsinə vəsiqə qazanmış komandaların tam siyahısı bəlli olub.
Arena.az xəbər verir ki, bu, qrup mərhələsinin 6-cı turunun ikinci oyun günündən sonra dəqiqləşib.
Mübarizənin başa çatdığı 1-ci qrupdan Portuqaliya və Xorvatiya, 2-ci qrupdan Fransa və İtaliya, 4-cü qrupdan İspaniya və Danimarka 1/4 finala adlayıblar. Son oyunları bu gün keçiriləcək 3-cü qrupdan isə Almaniya və Niderland növbəti mərhələyə yüksəliblər.
UEFA Millətlər Liqasında 1/4 finalın püşkatması noyabrın 22-də keçiriləcək. Bu mərhələnin matçları 2025-ci il martın 20-də və 25-də baş tutacaq.
Qeyd edək ki, UEFA Millətlər Liqasının son qalibi İspaniya yığması (2023/2024) olub.
