Gənclər və idman naziri Fərid Qayıbov İslam Həmrəyliyi İdman Assosiasiyasının (ISSA) baş katibi Nasser Ayman Majalini qəbul edib.
Fanat.Az Gənclər və İdman Nazirliyinin mətbuat xidmətinə istinadən xəbər verir ki, nazir qonağı ölkəmizdə idman sahəsində görülən işlər və qazanılan uğurlar haqqında məlumatlandırıb.
COP29 çərçivəsində ölkəmizə səfərdə olan qonaq səmimi qəbula görə təşəkkür edib.
Görüşdə ölkəmizin təşkilatla əlaqələri, eləcə də gələn il keçiriləcək VI İslam Həmrəyliyi Oyunlarına hazırlıq və digər məsələlər müzakirə olunub.
