Ridli Skott
Məşhur Hollivud rejissoru Ridli Skottun 10 ən yaxşı filminin adı açıqlanıb. Bu sıralamada yenicə ekranlara çıxmış "Qladiator 2" filmi də zirvəyə qalxıb.
Reyting.az bildirir ki, amerikalı kinorejissor, ssenarist, prodüser Ridli Skott möhtəşəm blokbasterlərin ustası, eləcə də ən böyük rejissorlardan biri hesab olunur. Onun əsərlərinin nümayişləri həmişə kino aləmində əlamətdar hadisələrə çevrilir. Buna görə də ikinci, davam kimi çəkilmiş "Qladiator" filminin ilk baxışı ərəfəsində "The Telegraph" nəşri məşhur rejissorun karyerasında mühüm yer tutan ən yaxşı 10 filmin siyahısını tərtib edib.
Nəşrin tənqidçiləri də rejissorun yeni işini yüksək qiymətləndirib, onu reytinqə daxil ediblər. Həmin 10 ekran əsəri bunlardır:
1. "Yad" (1979).
2. "Ülgüc üzərində qaçan" (1982).
3. "Telma və Luiza" (1991).
4. "Duelçilər" (1977).
5. "Qladiator" (2000).
6. "Hannibal" (2001).
7. "Qladiator - 2" (2024).
8. "Sonuncu duel" (2021).
9. "Marslı" (2015).
10. "Napoleon" (2023).
Oqtay QORÇU
