Paytaxtda piyadanın vurulmasıyla nəticələnən qəza avtomobilin videoregistratoruna düşüb.
Avtosfer.az-ın məlumatına görə, hadisə bir müddət əvvəl Həsən Əliyev küçəsində qeydə alınıb. Videodan da göründüyü kimi, sözügedən küçədə piyadalar kütləvi şəkildə qayda pozurlar. Hətta yolun ortasında dayanan gənclər yaxınlaşmaqda olan avtomobilə əhəmiyyət vermədən qaçaraq yolu keçməyə çalışırlar. Bu zaman onlardan biri “Mercedes” markalı maşınla toqquşur. Xoşbəxtlikdən o, xəsarət almır. Ardınca sürücü və piyada arasında mübahisə yaranır.
Qeyd edək ki, yaxınlıqda bir neçə piyada keçidi var.
Nərmin
