1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Şəkidə ikisi azyaşlı olmaqla üç nəfəri sahibsiz it dişləyib.
APA-nın məlumatına görə, rayonun Çayqaraqoyunlu kənd sakini, 2021-ci il təvəllüdlü Cəlal Niyaz oğlu Osmanov və Şəki kənd sakini 2017-ci il təvəllüdlü Zəhra Bəhram qızı Yadigarlı it dişləməsi xəsarəti ilə Şəki Rayon Mərkəzi Xəstəxanasına (RMX) müraciət ediblər.
Müayinə zamanı hər iki azyaşlının yaşadığı kəndin ərazisində sahibsiz itin hucumuna məruz qaldığı məlum olub.
C. Osmanova sağ budun, Z. Yadigarlıya isə sağ baldırın it dişləməsi diaqnozu qoyulub.
Bundan başqa, eyni gün ərzində 60 yaşlı Şəki şəhər sakini Cahangir İbrahimxəlil oğlu Salmanov sağ baldırın it dişləməsi xəsarəti ilə Şəki RMX-a müraciət edib.
Hər üç şəxsə lazımi tibbi yardım göstərilib, quduzluq əleyhinə peyvənd vurulduqdan sonra ambulator müalicə almaq şərti ilə evə buraxılıblar.
