Xəbər verdiyimiz kimi, noyabrın 20-də Birləşmiş Millətlər Təşkilatının yaydığı məlumatda bildirilib ki, Qəzza zolağı minlərlə uşaq üçün məzarlıqdır. Fələstin rəsmilərinə görə, 7 oktyabr 2023-cü ildən bəri İsrail Qəzzada ən azı 17.400 uşağı öldürüb . Yəni hər 30 dəqiqədə bir uşaq öldürülür. İsrailin davam edən hərbi əməliyyatları ucbatıdnan hər gün 10 uşaq bir və ya hər iki ayağını itirir. Eyni zamanda 17 mindən çox uşaq valideynlərindən birini və ya hər ikisini itirib.
Moderator.az-ın “Əl-Cəzirə”yə istinadla verdiyi xəbərdə deyilir ki, BMT-nin Beynəlxalq Fövqəladə Uşaqlara Yardım Fondu (UNİCEF) Qəzzada İsrail ordusu tərəfindən qətlə yetirilmiş 17 min 400 uşaq arasında ən çox yayılmış bəzi adların A-dan Z-yə qədər əlifba sırası ilə təxmini siyahısını təqdim edib.
Həmin siyahıya görə, daha çox(935) Məhəmməd adında uşaqlar öldürülüb. İkinci yerdə “Məhəmməd”lə eyni məna verəm Əhməd adıdır(439), üçüncü yerdə Yusif( 167), dördüncü yerdə Ömər(131) beşinci yerdə isə İbrahim(129 ) adıdır...
Allah rəhmət eləsin!..
S.Laçın
