İsrail ordusu Livanın paytaxtı Beyrutun cənubundakı Dahiyə bölgəsinə 4 hava zərbəsi endirib.
Livan NNA xəbər agentliyinin məlumatına görə, İsrail döyüş təyyarələri Dahiyənin Qubeyri və Hureyk bölgələrini hədəf alıb. İsrail ordusunun gecə saatlarında həyata keçirdiyi hücum nəticəsində ölən və ya yaralananların olub-olmadığı barədə məlumat verilmir.
İsrail ordusunun sözçüsü Aviçay Adrae rəsmi ''X'' səhifəsində paylaşdığı xəritədə Qubeyri və Hureyk bölgələrindəki bəzi binaların təxliyə edilməsi ilə bağlı xəbərdarlıq edib. A.Adrae paylaşdığı bölgələrdə Hizbullah obyektlərinin olduğunu iddia edərək, İsrail ordusunun "qısa müddətdə" bu nöqtələrə hücum edəcəyini bildirib.
