“Barselona”nın hücumçusu Robert Levandovski müdafiəçilər arasında ən keçilməz rəqiblərin adını çəkib.
Sportinfo.az xəbər verir ki, polşalı futbolçu “Madrid Universal”-a açıqlamasında bunu deyib:
“Hansı müdafiəçiyə qarşı oynamaq ən çətin idi? Serxio Ramos və Vensan Kompani”.
Levandovski “Barselona”ya keçməzdən əvvəl Dortmund “Borussiya”sında və “Bayern”də çıxış edib.
Serxio Ramos karyerasının ən yaxşı illərini “Real”da keçirib. O, ötən mövsüm “Sevilya”nın şərəfini qoruyub və hazırda azad agentdir.
“Mançester Siti”dəki çıxışı ilə tanınan Kompani 2020-ci ildə karyerasını bitirib. O, hazırda “Bayern”in baş məşqçisi vəzifəsini icra edir.
