"İnstaqramdan Azərbaycan televiziyalarında nələr baş verdiyini izləyirəm. Biabırçılıqdır! Buradan baxanda çox gülünc görünür".
Musavat.com xəbər verir ki, bu sözləri hazırda Rusiyada olan müğənni Nadir Qafarzadə deyib.
Müğənni televiziyalara müraciət edərək bildirib:
"Bu qədər enməyin. Çox biabırçı efirlərimiz var. Adam artıq o efirlərə dəvət alanda getməyə utanır. Ona görə də əziz televiziyaçılar, aparıcılar, çağırdığınız qonağa diqqət edin, səviyyəni qoruyun. Hər şeyi reytinqlə ölçməyin".
Müğənni həmçinin Moskvada ev almaq istədiyini dilə gətirib:
"Gedirəm torpaq ərazisi axtarmağa. Burada hazır evlər satılır. Alıb aparıb qoyursan həyətə. Düzdür, ucuz deyil, xeyli qiyməti var".
Xalidə Gəray
Musavat.com
