Xəbər verdiyimiz kimi, bu gün Gürcüstanın 11-ci çağırış parlamentində ilk iclas keçiriləcək. Bakı vaxtı ilə 12:00-da başlanılması gözlənilən iclas zamanı parlamentin spikeri, vitse-spiker, eləcə də komitə rəhbərləri seçiləcək.
“Qafqazinfo”nun TASS-a istinadən məlumatına görə, ölkədə parlament seçkilərinin nəticələrinə etiraz edən müxalifət nümayəndələri və onların tərəfdarları paytaxt Tbilisinin Rustaveli prospektində toplaşıb.
Həmin prospektdə çadır quran etirazçılar gecəni burada keçirib.
Hazırda Gürcüstan Daxili İşlər Nazirliyinin əməkdaşları parlament binasının xidməti girişlərinə aparan küçələri bağlayıb.
Bildirilib ki, əraziyə çox sayda polis əməkdaşları, eləcə də xüsusi təyinatlı qüvvələrin nümayəndələri cəlb olunub.
