"ABŞ-da yeni administrasiyanın gəlişi ilə Qərbin Ukraynaya yardımı azalacaq".
OXU24.COM IRNA-ya istinadla xəbər verir ki, bunu İranın ali dini liderinin beynəlxalq məsələlər üzrə müşaviri Əli Əkbər Vilayəti deyib.
Onun fikrincə, Qərb ölkələri Ukraynanı siyasi məqsədləri üçün qurban verdilər və görünür, Rusiya münaqişədə qalib gələcək.
“Ukrayna və Rusiyaya gəlincə, qeyd etmək lazımdır ki, Qərb ölkələri öz rəqibləri ilə birbaşa qarşıdurmadan qaçmağa çalışırlar və buna görə də özlərinə ciddi zərər vurmamaq üçün müxtəlif ölkələrdəki insanları rəqiblərlə münaqişəyə sövq etməyə çalışırlar”, - deyə Vilayəti bildirib.
Bu fonda Britaniyanın “The Guardian” qəzeti yazıb ki, ABŞ-ın yeni seçilmiş prezidenti Donald Tramp Ukrayna münaqişəsini həll edərkən Avropa və Böyük Britaniya ilə danışıqlara müraciət edə bilər, çünki sonuncu Vaşinqtona “maraqlı nəsə” təklif edə bilər
