“The Korea Herald” qəzetinin məlumatına görə, Dongbu Rayon Məhkəməsi adı açıqlanmayan 26 yaşlı gəncin hərbi xidmət qanununu pozduğuna qərar verib.
İndex.az xəbər verir ki, məhkəmə sözügedən şəxsin hərbi xidmətə yararlılığı ilə bağlı imtahandan əvvəl gündəlik istehlak etdiyi yemək və suyun miqdarını qəsdən artırdığına qərar verib və 1 il müddətinə azadlıqdan məhrum edilib.
Həmin şəxsin kökəlmək üçün müəyyən planlar təklif edərək onu həvəsləndirən dostunun hazırladığı pəhrizə əməl etdiyini bildirən məhkəmə, bu şəxsi cinayətə köməklik və yardım göstərmək ittihamı ilə 2 il müddətinə azadlıqdan məhrum etmə cəzası ilə 6 ay həbs cəzasına məhkum etdi.
Məhkəmə “yüngül” cəzanın təqsirləndirilən şəxsin və onun dostunun əvvəllər heç bir cinayət törətmədiyi və təqsirləndirilən şəxsin onun səhvini qəbul etdiyi üçün verildiyini bildirib.
Qeyd edək ki, Cənubi Koreyada heç bir fiziki problemi olmayan kişilərin ən azı 18 ay məcburi hərbi xidmət keçməsi tələb olunur.
