Fins.az - Polşa fermerləri, hökumətin vergilərin artırılması və Avropa İttifaqı ilə Cənubi Amerika Ümumi Bazarı ölkələri arasında ticarət sazişinin dəstəklənməsi planlarına qarşı etiraz edərək, Ukrayna ilə sərhəddəki "Medyka — Şehini" keçid məntəqəsini blokadaya almışdılar.
Lakin, etirazçılar müvəqqəti olaraq bu blokadanı dayandırıblar. Görüşün ardından Polşa Kənd Təsərrüfatı Naziri Çeslav Sekerski ilə razılaşma əldə edilib. Fermerlər, hökumətə öz tələblərini araşdırmaq üçün 10 dekabr tarixinədək vaxt veriblər. Əgər bu müddət ərzində hökumət onların tələblərinə cavab verməzsə, etiraz aksiyaları yenidən başlanacaq.
Fermerlərin təşkilatçıları, ölkənin şərq sərhədində kütləvi etirazların başlaya biləcəyini və vəziyyətin ciddiləşə biləcəyini bildirirlər.
