Keçmiş millət vəkili, elm və təhsil bilicisi Etibar Əliyev “Facebook” səhifəsində Əməkdar elm xadimi, görkəmli dilçi alim, mərhum professor Həsən Mirzəyevin doğum günündə onun xalqımız qarşısında xidmətlərindən, elmi fəaliyyətindən, Azərbaycan dilçiliyinin inkişafına verdiyi töhfələrdən bəhs edib.
“AzPolitika” həmin məqaləni oxuculara təqdim edir:
26 noyabr Əməkdar elm xadimi, görkəmli dilçi alim, professor Həsən Mirzəyevin anadan olduğu gündür. Həsən Mirzəyevin Azərbaycan dilçilik elminin tədqiqində, folklor və ədəbiyyatşünaslıq sahələrində yazdığı dəyərli əsərləri öz aktuallığı ilə bu gün də tələbələr, tədqiqatçılar, xüsusən də gənc alimlər üçün əvəzsiz mənbədir. Həsən Mirzəyev öz əqidəsi, ziyalılığı, dürüstlüyü ilə unudulmaz Heydər Əliyevin yaxın silahdaşı olmuşdur.
