İsrailin Beyrutdakı Əl-Nuveyriyə endirdiyi hava hücumu nəticəsində 3 nəfər ölüb, 26 nəfər yaralanıb.
APA Livan mediasına istinadən xəbər verir ki, bu barədə Livanın Səhiyyə Nazirliyi məlumat yayıb.
Qeyd edilib ki, xilasetmə işləri davam etdirilir.
***
17:58
İsrail ordusu Beyruta irimiqyaslı hava zərbələri endirir.
APA xəbər verir ki, bu barədə İsrail Müdafiə Qüvvələri məlumat yayıb.
Qeyd edək ki, bir müddət əvvəl hərbçilər Livan paytaxtının cənub ətraflarında 20 binaya təxliyə xəbərdarlığı edib. Hücumlar Baş nazir Benyamin Netanyahunun atəşkəslə bağlı kabineti toplamağa hazırlaşdığı vaxta təsadüf edir.
