Yazını böyüt
Yazını kiçilt
2024-cü ilin əvvəlindən bir milyon miqrant Rusiyanı tərk edib. Bu barədə Ura.ru-ya işə qəbul üzrə ekspert, Miqrant-Servis platformasının direktoru Andrey Kladov məlumat verib.
Onun sözlərinə görə, ölkəni tərk edən miqrantlar geri qayıtmaqdan çəkinirlər. Eyni zamanda, onların istehsal sektorunda il ərzində orta qazancları 105 min rubldan 150 min rubla qədər dəyişib.
Kladov qeyd edib ki, hazırda hər miqrant üçün on vakant yer var. O, əmək resurslarının xaricə getməsini regionlar tərəfindən qoyulan məhdudiyyətlər, eləcə də narahat həyat şəraiti ilə əlaqələndirib. Mövcud tendensiya davam edərsə, ölkə işçi çatışmazlığı ilə üzləşə bilər, deyə ekspert yekunlaşdırıb.
