Abbas Əraqçı ispaniyalı həmkarı ilə görüşündə bildirib ki, bir neçə min müasir İran sentrifuqası işə salınacaq...
Poliqon İRNA Agentliyinə istinadən xəbər verir ki, İranın xarici işlər naziri Abbas Əraqçı ispaniyalı həmkarı ilə görüşündə Beynəlxalq Atom Enerjisi Agentliyinin Rəhbərlər Şurasında İrana qarşı qətnamənin təsdiqlənməsini şərh edərkənbu addıma cavab olaraq bir neçə min müasir İran sentrifuqası işə salınacağını bildirib.
Əraqçı Portuqaliyanın Kaskais şəhərində keçirilən BMT-nin Sivilizasiyalar Alyansının Qlobal Forumu çərçivəsində İspaniyanın xarici işlər naziri Jose Manuel Albarez Bueno ilə görüşüb və qarşılıqlı maraq doğuran məsələləri, o cümlədən ikitərəfli münasibətləri, regional və beynəlxalq hadisələri müzakirə edib.
İranın xarici işlər naziri bu görüşdə İran İslam Respublikasının xalqlar və mədəniyyətlər arasında sülh və anlaşmanın təşviqi üçün qarşılıqlı fəaliyyət və əməkdaşlığın artırılmasına dair prinsipial yanaşmasını xatırladıb və beynəlxalq münasibətlərdə qanunun aliliyinin, beynəlxalq qayda və standartlara riayət edilməsinin vacibliyini qeyd edib.
Poliqon.info
