İranın ali dini rəhbəri Ayətullah Əli Xameneinin sağlamlıq vəziyyətinin getdikcə ağırlaşması səbəbindən yerinə varis axtarışına çıxıldığı söylənir. Bəs görəsən Xameneinin vəfat edəcəyi təqdirdə yerinə kim təyin edilə bilər?
Mövzu ilə bağlı politoloq Fərhad Məmmədov Moderator.az-a danışdı. Bildirdi ki, Ayətullah Əli Xameneinin səhhəti ilə bağlı olmasa da, amma İsrailin ona qarşı hər hansısa bir hərbi əməliyyatın keçirilməsi ilə bağlı fikirlərlər birmənalı deyil.
"Hadisələr onu göstərir ki, belə liderdən sonra adətən qısa müddətdə hər hansı bir şura seçilir və məsələləri həll edir. Şura işciləri öz aralarından fərqli adlar hallandırır, yeni sistem dəyişikliyi baş verməsə həmçinin Ayətullah Əli Xameneinin oğlu Müctəba Xameneinin də adı namizədlər arasında qeyd edilir. Yeni lider Xamneinin səlahiyyətlərinə yiyələnə bilər, amma faktiki olaraq təkbaşına hökmranlıq etmək iddiasın seçilən liderin addımlarından asılı olacaq. Buraya ölkədə olan qrupları ələ almaq, özünə tabe etmək və s. daxildir. Bu da müəyyən vaxt tələb edir”.
