Böyük Britaniyada polis terror təşkilatı PKK-ya qarşı aparılan istintaq çərçivəsində 2-si qadın olmaqla 6 nəfəri saxlayıb.
SİA xarici qaynaqlara istinadən xəbər verir ki, London Metropoliten Polisi Terrorla Mübarizə İdarəsinin paytaxt Londonda müxtəlif ünvanlara əməliyyatlar keçirdiyini bildirib.İstintaq çərçivəsində Londondakı 8 ünvanda axtarışlara başlanılıb. Axtarış aparılan ünvanlar arasında Londondakı Harinqey bölgəsində yerləşən Kürd Cəmiyyət Mərkəzi də var. Polis, cəmiyyət mərkəzində aparılan araşdırmanın 2 həftə çəkə biləcəyini qeyd edib.
Terrorla mübarizə üzrə müvəqqəti direktor Helen Flanaqan bildirib: "PKK ilə əlaqəli şəxslər tərəfindən təsir altında olduğunu və ya hədəfə alındığını düşünən hər kəsi bizimlə əlaqə saxlamağa çağırıram."
