ABŞ-nin yeni seçilmiş prezidenti Donald Tramp və Meta şirkətinin qurucusu Mark Zukerberq Trampın Florida ştatının Mar-a-Laqo şəhərindəki evində görüşüb.
Redaktor.az xəbər verir ki, bu barədə "Bloomberg" məlumat yayıb.
Agentlik görüşdə nəyin müzakirə olunduğunu açıqlamayıb, lakin bildirilib ki, Zukerberq Şükran Günündə iqamətgahda qalmayacaq.
Eyni zamanda Trampın müşaviri Stiven Miller "Fox News"a bildirib ki, Zukerberq Donald Trampın rəhbərlik etdiyi islahat hərəkatı ilə Amerikada və bütün dünyada müşahidə olunan dəyişikliklərin tərəfdarı və iştirakçısı olmaq arzusunu açıq şəkildə ifadə edib.
Sevinc İBRAHİMZADƏ
