İsrailin Baş naziri Benyamin Netanyahu həbs təhlükəsi olmadan Niderlanda səfər edə bilər.
Publika.az xəbər verir ki, bunu Niderlandın Baş naziri Dik Şof deyib.
“Beynəlxalq hüquq çərçivəsində Netanyahunun həbs olunmadan Niderlanda gələ bilməsi mümkündür”, - deyə Dik Şof qeyd edib.
Xatırladaq ki, Beynəlxalq Cinayət Məhkəməsi (BCM) İsrailin Baş naziri Benyamin Netanyahu və ölkənin keçmiş müdafiə naziri Yoav Qallantın həbsinə dair order verib. Böyük Britaniya, İsveçrə və Kolumbiya Netanyahunun bu ölkələrə səfər edəcəyi təqdirdə, həbs olunacağını bildirib.
