İsrail və ABŞ Bəşər Əsəd hökumətinin devrilməsi ərəfəsində məsləhətləşmələr aparır.
Bu barədə mediada məlumatlar yayılır. Bir sıra mənbələr çevriliş cəhdini iddia edir, Suriyada hökumət əleyhinə qüvvələrin hücumu davam edir.
Musavat.com xəbər verir ki, Dəməşqdə atışma səsləri eşidilir. Bunun səbəbləri hələlik məlum deyil, lakin belə versiyalar var ki, söhbət Respublika Qvardiyası ilə keçmiş üsyançılardan ibarət 4-cü diviziya arasında gedən döyüşdən gedir. Hələlik bu məlumatın təsdiqi yoxdur.
Həmçinin bildirilir ki, “Həyat Təhrir əl-Şam” silahlıları Həmanın şimal və şimal-qərbində yerləşən Suran və Halfaya şəhərlərini işğal ediblər. Bəzi məlumatlara görə, silahlılar artıq Həmaya girməyə başlayıblar. Hələb hava limanından da bir fotoşəkil yayımlanıb, görünür, hava limanı döyüşsüz tərk edilib.
Sabah İran Xarici İşlər Nazirliyinin rəhbəri Dəməşqə getmək niyyətindədir.
Musavat.com
