Hakan Fidan və Antonio Quterreş Suriyadakı son vəziyyəti müzakirə ediblər

Türkiyənin xarici işlər naziri Hakan Fidan Birləşmiş Millətlər Təşkilatının Baş katibi Antonio Quterreş ilə telefon əlaqəsi saxlayıb. Telefon danışığı zamanı Suriya və bölgədəki son vəziyyət qiymətləndirilib. Görüşdə həmçinin BMT-nin və beynəlxalq ictimaiyyətin Suriyada nizamlı siyasi keçidin təmin edilməsi, humanitar yardımların çatdırılması və Suriyanın yenidən qurulması istiqamətində ata biləcəyi addımlar ətrafında fikir mübadiləsi aparılıb.