Son dövrlər qohum və tanışlardan xəstə uşaqların doğumlarını eşidirik. Zaman keçdikcə bu xəbərlərin sayı getdikcə artır.
Maraqlıdır, xəstə uşaqların doğumun artmasının səbəbi nədir?
Bu barədə Hit.az-a açıqlama verən ginekoloq Aysel Əfəndiyeva deyib ki, Xəstə uşaqların doğumunun artması məsələsi bir neçə amildən asılıdır və bu məsələyə müxtəlif yönlərdən yanaşmaq mümkündür:
“Bəzi xəstəliklər irsi ola bilər və bu, uşaqların doğumunda müəyyən xəstəliklərin daha çox yayılmasına səbəb ola bilər. Məsələn, genetik xəstəliklər 5(talasemiya, hemofiliya, Down sindromu və s.) ailə üzvlərindən biri və ya hər ikisi bu xəstəlikləri daşıyan şəxslər arasında daha çox doğulabilir. Genetik dəyişikliklər (mutasiyalar) da bəzi xroniki xəstəliklərin və irsi problemlərin artmasına səbəb ola bilər. Hamiləlik zamanı aparılan müayinələr, bu tip problemlərin erkən mərhələdə müəyyən edilməsinə kömək edə bilər.
Yaşlı yaşda hamiləlik, xüsusən 35 yaşından yuxarı analarda, genetik xəstəliklərin doğulma riskini artıra bilər. Bu dövrdə doğulan uşaqlarda Down sindromu və digər inkişaf problemləri riski yüksək ola bilər. Ananın həyat tərzi, qidalanma, spirtli içkilərin və narkotik maddələrin istifadəsi, siqaret çəkmək kimi amillər də doğulacaq uşağın sağlamlığına təsir edə bilər. Bu amillər, doğulmuş uşaqlarda xəstəliklərin sayının artmasına səbəb ola bilər”.
Murad
