Paytaxtın Nizami rayonunda yerləşən “Neolit” restoranında baş verən yanğın tam söndürülüb.
APA xəbər verir ki, bu barədə jurnalistlərə açıqlamasında FHN DYMX İctimaiyyətlə Əlaqə sektorunun rəisi Əlibala Əlizadə bildirib.
O, qeyd edib ki, hazırda ərazidə baş vermiş yanğınlıa bağlı konstruktiv söküntü işləri aparılır.
Hadisə zamanı xəsarət alan olmayıb.
***
10.30
Xəbərə fotolar əlavə olunub.
***
10.11
Bakıda "Neolit" şadlıq evində baş verən yanğın söndürülüb.
APA xəbər verir ki, bu barədə FHN-in Mətbuat xidmətinin yaydığı məlumatda bildirilib.
Qeyd olunub ki, Bakı şəhərinin Nizami rayonu, M.Əliyev küçəsində yerləşən şadlıq evinin anbar hissəsində baş vermiş yanğın Fövqəladə Hallar Nazirliyinin Dövlət Yanğından Mühafizə Xidmətinin qüvvələri tərəfindən genişlənməsinə imkan verilmədən qısa müddətdə söndürülüb.
***
09.58
Paytaxtın Nizami rayonu, M.Əliyev küçəsində yerləşən obyektdə yanğın baş verməsi barədə “112” qaynar telefon xəttinə məlumat daxil olub.
APA xəbər verir ki, bu barədə Fövqəladə Hallar Nazirliyinin Mətbuat xidməti məlumat yayıb.
Məlumata görə, dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.
Yanğınsöndürənlərin çevik müdaxiləsi sayəsində şadlıq evinin anbar hissəsində baş vermiş yanğının yayılmasının qarşısı alınıb.
Hazırda yanğının söndrülməsi istiqamətində tədbirlər davam etdirilir.
Əlavə məlumat veriləcək.
***
09.56
Bakıda restoranda yanğın başlayıb.
APA xəbər verir ki, hadisə M. Əliyev küçəsində yerləşən "Neolit" restoranında qeydə alınıb.
Yanğının söndürülməsi üçün tədbirlər görülür.
***
09.29
Bakıda obyekt yanır.
Bu barədə APA-ya FHN Mətbuat xidmətindən bildirilib.
Qeyd edilib ki, “112” qaynar telefon xəttinə Bakı şəhəri, Nizami rayonu, M.Əliyev küçəsində yerləşən obyektdə yanğın baş verməsi barədə ilkin məlumat daxil olub və dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.
Hazırda yanğınla mübarizə tədbirləri davam etdirilir.
Əlavə məlumat veriləcək.
