1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Yeni il ərəfəsində Yer kürəsində maqnit qasırğası baş verə bilər.
Oxu.Az rg.ru-ya istinadən xəbər verir ki, bu barədə Rusiyanın Kosmik Tədqiqatlar İnstitutunun Günəş Astronomiyası Laboratoriyası və Rusiya Elmlər Akademiyasının Günəş Fizikası İnstitutunun saytında bildirilir.
Məlumata görə, Günəşdə partlayışdan sonra ilk plazma buludu Yerə dekabrın 31-i səhər Bakı vaxtı ilə saat 08:30-da, ikincisi isə gündüz, Bakı vaxtı ilə saat 15 radələrində çatacaq. Bunun güclü G3 maqnit qasırğasına səbəb olacağı gözlənilir.
Qeyd olunur ki, proqnozlaşdırma üçün ümumi mənzərə çox mürəkkəbdir, çünki hazırda planetlərarası məkanda bir-birinə qismən təsir edən ən azı dörd günəş kütləsi hərəkət edir və onların son trayektoriyalarını proqnozlaşdırmaq asan deyil.
