1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Fransa Prezidenti Emmanuel Makron vətəndaşlara Yeni il müraciətində parlamentin aşağı palatası olan Milli Assambleyanı buraxmaq qərarının siyasi böhranı həll etməkdənsə, daha böyük qeyri-sabitliyə səbəb olduğunu etiraf edib.
Oxu.Az xəbər verir ki, bu barədə BFMTV məlumat yayıb.
"Etiraf etməliyəm ki, bu qərar fransızlar üçün həll yollarından daha çox fikir ayrılığı gətirdi", - deyə telekanal onun sözlərindən sitat gətirib.
Fransa liderinin sözlərinə görə, o, siyasi durğunluq təhlükəsindən qaçmaq üçün bu qərarı verib, lakin bu qərar daha çox qeyri-sabitlik yaradıb.
Makron əlavə edib ki, vəziyyətə görə bütün məsuliyyəti öz üzərinə götürür. O, sabitlik və əsas məsələlərin həlli naminə 2025-ci ilin "kollektiv bərpa ili" elan edilməsinə çağırıb.
