Misli Premyer Liqasının 10-cu turunda lider "Zirə"ni qəbul edəcək "Kəpəz" oyuna 2 itki ilə çıxacaq.
Bunu Fanat.Az-a açıqlamasında Gəncə təmsilçisinin sözçüsü Azad Mustafayev deyib:
"Cəzalı futbolçumuz olmasa da, "Zirə"yə qarşı iki oyunçumuzun xidmətindən istifadə edə bilməyəcəyik. Nigeriyalı yarımmüdafiəçi Olavale Onanuqa və müdafiəçi Şakir Seyidov zədə səbəbindən qarşıdakı matça çıxmayacaqlar. Onanuqa bir neçə gündür ki, həkim nəzarəti altında fərdi məşqlərə başlayıb. Seyidov isə hələ çalışmalara start verməyib".
Qeyd edək ki, "Kəpəz" - "Zirə" qarşılaşması oktyabrın 21-də Tovuz şəhər stadionunda keçiriləcək. Matçın start fiti 15:00-da səsləndiriləcək.
Nihat
