“Barselona”nın futbolçusu Fermin Lopez zədələnib.
QOL.az xəbər verir ki, bu barədə “Mundo Deportivo” nəşri məlumat yayıb. 21 yaşlı ispaniyalı yarımmüdafiəçi əzələ zədəsi alıb. O, bu səbəbdən İspaniya millisinin Millətlər Liqasındakı Serbiya və İsveçrə millilərinə qarşı matçları üçün açıqlanan heyətindən çıxarılıb.
Qeyd edək ki, Fermin Lopez Parisdə keçirilən Yay Olimpiya oyunlarında futbol üzrə yarışlarda İspaniya U-23 millisi ilə çempion olub. O, turnirin final görüşündə Fransa U-23 millisinə 2 qol vurub.
