Bitkoin, ABŞ Federal Ehtiyat Sisteminin (FED) faiz dərəcələrini aşağı salacağı gözləntiləri ilə əks istiqamətdə hərəkət edə bilər ki, bu da bir çox bazar iştirakçılarının proqnozlarının əksinə olaraq, qiymətini fevral ayından bəri görünməmiş səviyyələrə çatdıra bilər.
“Toncoin” ucuzlaşıb - DETALLAR
FED.az xəbər verir ki, Bitkoinin qiyməti son 24 saatda 4,02% azalaraq 56,702 dollar olub. Digər bazar dəyəri böyük kriptovalyuta Ethereumun dəyəri isə 5.50% azalaraq 2 378 dollar olub.
Analitiklərin fikrincə sentyabr ayında gözlənilən faiz endirimi bitkoinin 15-20 faiz azalmasına səbəb ola bilər. Analitiklər bitkoinin 40-50 min dollar aralığına düşə biləcəyi ehtimalını qeyd edirlər.
FED-in faiz qərarı sentyabrın 18-də açıqlanacaq və faiz endirimi gözləntisi bazarlarda üstünlük təşkil edir. FED sədri Jerome Powell-in avqust ayında "faiz endiriminin vaxtıdır" ifadəsi ilə verdiyi şərhlər bu gözləntiləri gücləndirdi. Faiz dərəcələri aşağı düşdükdə investorlar tez-tez daha riskli aktivlər olan Bitcoin kimi rəqəmsal valyutalara müraciət edirlər, çünki bu dövrdə istiqrazlar və müddətli depozitlər kimi ənənəvi aktivlər daha az cəlbedici olur.
Bitkoin bu xəbərin dərc edildiyi anda 57 754 dollara satılır və son yeddi gündə 2,67% ucuzlaşıb. Qiymət daha 20% azalarsa, bitkoin 46.000 dollar səviyyəsinə düşə bilər. Bu səviyyə sonuncu dəfə fevral ayında görülən bir nöqtə idi.
Belə görünür ki, FED-in faiz qərarının bazarlara təsiri Bitcoin-in gələcək istiqamətinin müəyyən edilməsində kritik rol oynayacaq.
