Almaniya kansleri Olaf Şolts əsas partiyaları sağçı ekstremistlərə qarşı birləşməyə çağırıb.
Bakıvaxtı.az "Milliyet"ə istinadən xəbər verir ki, Almaniyada İkinci Dünya Müharibəsindən sonra ilk dəfə əyalət parlamenti seçkilərində ifrat sağçı partiya olan "Almaniya üçün Alternativ" Partiyası (AfD) birinci yeri tutub.
Şolts bu nəticələri narahatedici olaraq xarakterizə edərək, AfD-yə qarşı siyasi partiyalara çağırış edib:
"AfD Almaniyaya zərər verir. Bu partiya iqtisadiyyatı zəiflədir, cəmiyyəti parçalayır və ölkəmizin reputasiyasını məhv edir".
Gülşən Şərif
