İstanbul Böyük Şəhər Bələdiyyəsinin sədri Əkrəm İmamoğlu gündəmə dair açıqlamalar verib.
“Cebheinfo.az” xəbər verir ki, siyasətçi “Sözcü” telekanalına qonaq olub.
İmamoğlu Cümhuriyyət Xalq Partiyasının (CHP) sabiq sədri Kamal Kılıçdaroğlu barəsində diqqətçəkən sözlərdən istifadə edib:
“Kamal Kılıçdaroğlu ilə uzun illər birlikdə çalışmışıq. 2010-cu ildən bəri taleh birliyi edirik. Bizim Kamal bəylə yaxşı dialoqumuz olub, hər zaman da olacaq. Biz prosesi fərqli yerlərə aparmağa çalışanlara və hər şeyə rəğmən, bir-birinə dəyər verən insanlarıq. Mənim üçün Kılıçdaroğlu çox dəyərlidir. Onun haqqında “baş tacımdır” deyəndə də çox səmimi idim.
Onun da mənə çox dəyər verdiyini yaxşı bilirəm”.
Əkrəm İmamoğlu Kamal Kılıçdaroğlu ilə fikir ayrılıqları yaşadıqlarını da etiraf edib:
“Dəyişim prosesində və sonrasında Kamal Kılıçdaroğlu ilə fikir ayrılıqlarımız oldu. Lakin bu bizim aramızı pozmadı. Əlbəttə ki, 16 ildir siyasətdə birlikdə hərəkət edən insanlar bir araya gələndə CHP-ni və siyasəti müzakirə edərlər”.
