Ruslar 2023-cü ildə Çinə səfərlərin sayına görə beşinci yeri tutublar.
NOCOMMENT.az xəbər verir ki, bu barədə Şərq İqtisadi Forumunda (EEF) çıxış edən İqtisadiyyat Nazirliyinin rəis müavini Dmitri Volvaç bildirib.
Ötən il Rusiya vətəndaşları Çinə 734 min səfər edib. Volvaç 2024-cü ilin sonuna qədər bu rəqəmin 2 milyona çatacağına ümid etdiyini bildirib.
Rosstatın məlumatına görə, 2024-cü ilin birinci yarısında Rusiyadan Çinə turist axını 651,1 min nəfər, Çindən Rusiyaya isə 480,9 min nəfər təşkil edib. Bu rəqəmlər ötən ilin müvafiq dövrünün göstəricilərindən üç dəfədən çoxdur.
