"Şirkətin mənzil-qərargahı Pekinin yanaşmasını tamamilə nəzərə almayıb, Almaniyada ən yaxşı iqtisadi şəraitin yaradılmasını isə görməzdən gəlib..."
Almaniyada "Volkswagen" zavodlarının bağlanması ölkənin yalnız bircə qanun yaradıcılığı ilə dünya iqtisadiyyatının zirvəsinə çata biləcəyi barədə alman yanaşmasının birbaşa nəticəsidir.
Moderator.az xəbər verir ki, bu barədə Böyük Britaniyanın "UnHerd" nəşri yazıb.
Sürücülər bu oyuna getmək istəmədilər. Bu, Avropa avtomobil sənayesinin sonunun başlanğıcıdır.
"Volkswagen" (VW) avtomobil konserni 1937-ci ildə təsis edilib, o zamandan keçən 87 il ərzində onun Almaniyadakı konveyerləri saat kimi işləyib. Bu, bu yaxınlaradək belə olub, amma indi bəlli olub ki, avtonəhəng özünün bir sıra zavodlarını çıxarılan yanacağa qənaət etməyə cəhd edərək vətəndə bağlaya bilər. Bu, öz sənayesi ilə çoxdan məşhur olan ölkə üçün dönüş məqamı ola bilər.
Şirkətin rəhbərliyi radikal tədbirləri qaçılmaz adlandırıb, bu zaman Çinlə rəqabətə, enerjidaşıyıcılarının baha olmasına və "mürəkkəb iqtisadi şəraitə" istinad edib. Lakin günahın bir hissəsi VW-nin özündədir, çünki konsern məhz Çini özünün üstün bazarı təyin edib, Almaniyada ən yaxşı iqtisadi şərait yaradılmasını isə görməzdən gəlib.
Hər şeydən göründüyü kimi, şirkətin Volsburqdakı mənzil-qərargahı Pekinin yanaşmasını tamamilə nəzərə almayıb. Onun taktikası bundan ibarət olub ki, Qərb istehsalçılarını Çinə cəlb etsin, onların texnologiyalarını diqqətlə öyrənib kopyalasın və daha keyfiyyətli və daha ucuz məhsulun buraxılışını nizama salsın.
Bu yanaşma Günəş batareyaları və elektromobil sahəsində öz bəhrəsini verib, indi də eyni şey artıq yarımkeçirilərlə də təkrarlana bilər.
Almaniya və Avropa avtomobil istehsalçılarının perspektivləri açıq-aşkar həyəcan doğurur. "Bloomberg" nəşrinin qeyd etdiyi kimi, "izafi güclərə və rəqabətqabiliyyətinin aşağı düşməsinə uzun illər diqqətsizlikdən sonra alman avtomobil nəhənginin hərəkətləri yəqin ki, bütün sahə üçün həyəcan siqnalı olacaq. Səbəblər aydındır: Avropanın Çin rəqibləri ilə rəqabət aparmaq cəhdləri və "Tesla"nın elektromobillər istehsalında iflasıdır".
Bu problemlər boş yerdə yaranmayıb. Bu, innovasiyalar və rəqabəti görməzdən gəlməklə, bircə qanun yaradıcılığı ilə özünü dünya iqtisadiyyatının zirvəsinə çata biləcəyi barədə alman yanaşmasının birbaşa nəticəsidir. "Bloomberg" nəşri Avropada elektromobillərin satışının aşağı düşməsini anlaya bilmir: "Bu mərhələdə kəskin artım gözlənildiyi zaman bu il tələbin zəif olması elektromobil bazarını laxladıb".
Bütün bunlar ona görə baş verib ki, baş tutmayan ən kəskin artıma normativ və qanunverici aktların birbaşa nəticəsi kimi baxılıb. Güman edilib ki, avtohəvəskarlar daxili yanma mühərriklərinə qənim kəsilməklə onları elektromobillərə köçürə biləcək.
Əfsus ki, onlara səxavətli dövlət subsidiyaları verilməzsə, sürücülər belə oyuna getməyəcək, bunun əvəzinə, sadəcə, özlərinin benzinlə işləyən köhnə avtomobillərindən imtina etməyəcək. Təəccüblü deyil ki, Almaniya elektromobillər proqramının subsidiyalaşmasını dayandıran kimi onların satışı çöküb.
Beləliklə, hökumətin məsrəflərlə hesablaşmayaraq nəyin bahasına olursa-olsun ideoloji məqsədlərinə nail olmağa köklənməsi belə nəticələrə səbəb olur.
Yaranmış vəziyyətdə VW-nin qaçışı özlüyündə maraqlıdır, amma bu, sonuncu da deyil. Bu sahə belə davam edərsə, tezliklə biz bütün Avropanın avtomobil sənayesinin sonunu görəcəyik.
