Xarici İşlər Nazirliyinin sözçüsü Mariya Zaxarova ABŞ hakimiyyətinin “Rossiya Seqodnya” media qrupunu sanksiyalar siyahısına əlavə etmək qərarını şərh edib. Onun sözlərinə görə, ABŞ-ın hərəkətləri informasiyaya sərbəst çıxışın təmin edilməsi üzrə öhdəliklərə ziddir və cavabsız qalmayacaq. Xanım Zaxarova hesab edir ki, Rusiya mediasına qarşı sanksiyalar ABŞ-ın “informasiya məkanını hər cür fikir ayrılığından sterilizasiya etmək” cəhdidir.
Fins.az xəbər verir ki, Mariya Zaxarova Şərq İqtisadi Forumu çərçivəsində jurnalistlərlə söhbətində vurğulayıb ki, rusiyalı jurnalistlərin ABŞ-dan çıxarılması cəhdləri Amerika mediasına qarşı cavab tədbirlərinin görülməsi üçün əsas olacaq. “Aydındır ki, hazırlanmış bu hərəkətlər müvafiq seçki qərarlarının icrası üçün lazımi media fonu yaradır”, o əlavə edib.
Sentyabrın 4-də ABŞ Maliyyə Nazirliyinin Xarici Aktivlərə Nəzarət İdarəsi (OFAC) “Russia Today” telekanalını, onun baş redaktoru Marqarita Simonyanı və bir neçə əməkdaşını sanksiyalar siyahısına əlavə edib. ABŞ Xəzinədarlığı hesab edir ki, kanal ABŞ prezident seçkilərinə müdaxilə üçün informasiya kampaniyasına cəlb olunub. İndi onlardan ABŞ-da işləyən bütün işçilər barədə Dövlət Departamentini xəbərdar etmələri və ölkədəki daşınmaz əmlaka dair məlumatları açıqlamaları tələb olunacaq.
Kaira Agayeva
Fins.az
