Alimlər cib telefonu istifadəsi ilə beyin xərçəngi arasında heç bir əlaqə tapmayıblar. Editor.az bu barədə HealthDay-ə istinadən xəbər verir. Ümumdünya Səhiyyə Təşkilatının (ÜST) sifarişi ilə alimlər 1994-2022-ci illər arasında dərc edilmiş beş min araşdırmanı təhlil ediblər. Onlar simsiz elektronikadan (mobil telefonlar da daxil olmaqla) radiotezliklərə məruz qalmanın beyin xərçənginin inkişaf ehtimalını artırıb-artırmayacağını müəyyən etməyə çalışıblar.
63 araşdırmaya diqqət yetirilib. Onlar hətta uzun müddətli (10 il və ya daha çox) və ya tez-tez cib telefonundan istifadə ilə belə risk görməyiblər. Bundan əlavə, telefonun başına gətirilən vaxtın heç bir təsiri olmayıb. Lösemi və ya uşaqlıq şişləri riski də yoxdur.
Qeyd edək ki, Mobil rabitə ilə bağlı narahatlıqlar ilk dəfə 2011-ci ildə Ümumdünya Səhiyyə Təşkilatının Xərçəng üzrə Beynəlxalq Tədqiqat Agentliyi radio dalğalarına məruz qalmağı mümkün insan kanserogeni kimi təsnif etdikdən sonra ortaya çıxıb. Bu qərar məhdud məlumatlara əsaslanıb. O vaxtdan bəri, ÜST-nin yeni bir araşdırmaya başlamasına səbəb olan daha çox tədqiqat nəşr olunub. Alimlər qeyd ediblər ki, 3G və 4G şəbəkələri köhnə şəbəkələrə nisbətən xeyli az radiotezlik radiasiyası yaradır. 5G şəbəkələri ilə bağlı hələlik ciddi araşdırma aparılmayıb, lakin oxşar tezliklərə malik radarların xərçənglə əlaqəsi göstərilməyib.
//Gülnarə Abasova, Editor.az
