RW1 adlı asteroid Sakit Okean üzərində Yerə düşüb və Filippin səmasında güclü parıltı yaradıb.
New Scientist xəbər verir ki, o, atmosferdə yanıb.
Astronomlar sentyabrın 4-ü səhə ölçüsü bir metrə çatan asteroidin Yerə yaxınlaşdığını müşahidə ediblər. Onu ABŞ-ın Arizona ştatındakı rəsədxananın mütəxəssisləri aşkar ediblər. Asteroid əvvəlcə CAQTDL2, sonra isə 2024 RW1 adlandırılıb. Onun düşmə sürəti saniyədə təxminən 17,6 kilometr və ya saatda 63 min 360 kilometr olub.
Sosial şəbəkələrdə kosmik obyektin düşməsini əks etdirən bir neçə video yayımlanıb. Görüntülər Filippinin şimalında aparılıb.
