Rusiya mətbuatı yenə də Putinin Azərbaycan səfəri və Pavel Durovla görüşüb-görüşmədiyi haqda məlumatlar yayıb.
Publika.az "Lenta.ru"ya istinadən xəbər verir ki, Rusiya prezidenti Vladimir Putin bu gün keçirilən Şərq İqtisadi Forumunda (EEF) çıxışı zamanı "Telegram"ın yaradıcısı Pavel Durovla Azərbaycanda görüşü barədə məlumatı yenə təkzib edib.
Onun sözlərinə görə, sahibkarın onunla eyni tarixlərdə Bakıda olacağından xəbəri belə olmayıb.
Dövlət başçısı rus media meneceri ilə həyatında yalnız bircə dəfə görüşdüyünü deyib. Görüş uzun illər əvvəl Kremldə olub və dövlət başçısının ətrafında az adam bundan xəbərdar imiş.
"Mən cənab Durovla uzun illər əvvəl Moskvada bir dəfə görüşmüşəm. O, sadəcə planlardan danışırdı. Mən mütəmadi olaraq iş adamları ilə görüşürəm və bu görüş də illər əvvəl Kremldə baş tutub", - deyə Vladimir Putin deyib.
