İnquşetiya respublikasında yol polisi əməkdaşlarına silahlı hücum edən şəxs zərərsizləşdirilib.
Avtosfer.az xəbər verir ki, bu barədə respublika Daxili İşlər Nazirliyinin mətbuat xidmətindən məlumat verilib.
Bildirilir ki, sentyabrın 3-də saat 14:30 radələrində naməlum şəxs burğaç (отвёртка) ilə Maqas şəhərinin girişində yerləşən yol polisi postunda xidmət aparan polis əməkdaşlarına hücum edib:
“Hadisə nəticəsində yol polisi inspektoru xəsarət alıb. O, xəstəxanadadır. Onun həyatı üçün heç bir təhlükə yoxdur. Hücum edənin şəxsiyyətinin və hadisənin bütün şəraitinin müəyyən edilməsi istiqamətində kompleks tədbirlər həyata keçirilir”.
Namiq Musayev
