“Barselona”nın ispaniyalı ulduzu Lamin Yamal “Real Madrid”in futbolçusu Kilian Mbappeni geridə qoyub.
“Qafqazinfo” xarici mətbuata istinadən xəbər verir ki, Lamin Mbappenin rekordunu qıraraq “Qızıl top”a namizəd olan ən gənc oyunçu kimi tarixə düşüb.
Belə ki, Lamin 17 yaş 22 günlüyündə mükafatçılar siyahısına daxil olaraq bunu bacarıb. Kilian isə buna 18 yaş 293 günlüyündə nail olmuşdu.
Xatırladaq ki, Yamal İspaniya yığması ilə AVRO-2024-ün qalibi olub və eyni zamanda turnirin ən yaxşı gənc oyunçusu seçilib. Vunderkind keçən mövsüm “Barselona”nın heyətində 50 oyun keçirib, 7 qol vurub və 9 məhsuldar ötürmə edib.
